من عمالقة الطرب ( ام كلثوم ) كلمات الاغانى والفيديو
طوف وشوف
كلمات: عبد الفتاح مصطفى
ألحان: رياض السنباطى
غنا: أم كلثوم
إنتاج: 1964
طوف بجنة ربنا ببلادنا وأتفرج وشوف
ضفتين بيقولوا أهلا والنخيل شامخ صفوف
وابتسامة شمسنا أجمل تحية للضيوف
والنسيم يرقص بموج النيل على الناي والدفوف
طوف وشوف
شوف هنا جنب المصانع والمداخن والزحام
الغيطان إلي أخرها المغني وأبراج الحمام
والسواقي اللي ما نامت ليله من كام ألف عام
شوف جمال الريف وآمن بالمحبة والسلام
طوف وشوف
شوف اثار أجيال ملو الدنيا حضارة وابتكار
علموا قلب الحجر يوصف معارك الانتصار
علموه يبقى سفير الدهر ليهم بالفخار
كان نهار الدنيا ما طلعشي وهنا عز النهار
طوف وشوف
كل دي كانت كنوز الماضي شوف حاضر بلادي
شوف كنوز الثورة فيها والمواهب والأيادي
اللي بيهم سدنا يعلا وفيض الله يزيد
يزحفوا بالميه تخلق م العدم عالم جديد
يكشف سر الصحارى يصهروا عزم الحديد
يوصلوا الدنيا بقنالنا من هنا بور سعيد
طوف وشوف
الجنود اللي بيحموا مجدنا من كل عادي
الصفوف اللي يبنوا بعزمهم نهضة بلادي
اللي خطوتهم تبوسها أرضنا وتقول ولادي
نادوا بالحرية قام الشعب وأتحدى المحال
والأمل أصبح عمل والخيال أصبح نضال
هي دي ثورة بلادي اللي حققها جمال
يتبع
يارب الموضوع يعجبكم
تسلموا ودمتم بود
عاشق الوطن
ـــــــــــــــــــــــــــــــــــــــــــــــــــ
ليست هناك تعليقات:
إرسال تعليق