من عمالقة الطرب ( ام كلثوم ) كلمات الاغانى والفيديو
سهران لوحدى
سهران لوحدى اناجي طيفك الساري
سابح فى وجدي ودمعي ع الخدود جاري
نام الوجود من حوالى وانا سهرت فى دنياى
اشوف خيالك فى عنيه واسمع كلامك وياى
اتصور حالي ايام وليالي مرت على بالي
ما بين نعيمي وانس الروح ساعه رضاك
وبين عذابى وطول النوح ايام جفاك
كل اللى شفته خطر ع البال وعشت فيه هايم ولهان
ولما بعدك عنى طال حنيت لايام الهجران
وسهرت وحيد والفكر شريد
اتصور حالي ايام وليالي مرت على بالي
ياللي رضاك اوهام والسهد فيك احلام
حتى الجفا محروم منه ياريتها دامت ايامه
كان عهد جميل حاسد وعزول والبال مشغول
راحت عواذلى وحسادى وطفيت النار
ياللى صبرت على بعادي وانا عقلي احتار
لايوم وصالك هناني
ولاهجر منك بكاني
ياطول عذابى وحرمانى
سهران لوحدى اناجى طيفك الساري
سابح فى وجدي ودمعي ع الخدود جاري
تاريخ: 1950
كلمات: احمد رامي
الحان: رياض السنباطي
مقام: هزام
يتبع
يارب الموضوع يعجبكم
تسلموا ودمتم بود
عاشق الوطن
ـــــــــــــــــــــــــــــــــــــــــــــــــــ
ليست هناك تعليقات:
إرسال تعليق